Nú er ágúst að ganga í garð og tími til kominn að fara ákveða hvort við ætlum að vera með á næsta tímabili. Ég er allavega klár með mín 4-5 stig í leik, veit ekki hvort það nægi nema við bætum vörnina talsvert.

Síðasta tímabil var mjög skemmtilegt og árangurinn stóð ekki á sér. Þetta er hinsvegar frekar dýr pakki fyrir fámennan hóp og verður varla ódýrara núna í vetur. Það á væntanlega eftir að reynast ómögulegt að fá styrktaraðila og því fellur allur kostnaðurinn á leikmenn.

En þá er bara að byrja leysa þann vanda. Finna fleiri leikmenn sem skipta þessu á milli sín og fara hugsanlega í einhverjar smávægilegar fjáraflanir.

En fyrsta mál á dagskrá er að ákveða hvort og hverjir ætla vera með

Leider,
Popparinn

en hverjir verða fleiri er spurningin!!
c´mon guys meldið ykkur sem fyrst.

Ætlar einhver að mæta á æfingu í kvöld?

Hverjir ætla mæta á æfingu í kvöld?
Það er mjög mikilvægt að melda sig þeir sem ætla að mæta því við verðum að geta farið eftir einhverju um hvort maður eigi að mæta eða ekki, þe. hversu margir mæti… vá hvað þetta er ílla orðað. En þetta skilst allavega!

Meldið ykkur mothafuckas!!

Leider
Popparinn

Eins og alþjóð veit var Brokey slegið út úr undanúrslitum 2. deildar núna um helgina. 78-70 tap fyrir ÍA.
Hrikalegur fyrri hálfleikur þar sem ÍA skoraði 51 stig og náði á tímabili 20 stiga forystu. Nenni ekki að skrifa meira um þennan leik og stattið kemur inn innan tíðar.

Varðandi æfingu á morgun, þriðjudag, þá var uppi hugmynd að taka fótbolta. Hverjir hafa áhuga á því.
Vinsamlegast commentið hvort þið mætið og hvort þið viljið basket eða fótbolta.

Leider
Popparinn

Brokey vann fyrr í dag ágætan sigur á UMF Álftanes, 78-75.
Brokey náði ágætis forystu í byrjun leiks, 15-6, en undir lok leikhlutans náðu Álftnesingar að minnka muninn og staðan að honum loknum 19-17 fyrir Brokey.
Annar leikhluti var okkar versti þar sem  boltanum var kastað til mótherjanna hvað eftir annað að óþörfu. UMFÁ pressaði þá hálfan völlinn og þversendingarnar hjá Brokey lentu oftar en ekki í höndunum á þeim. Fengum á okkur 13-2 áhlaup í byrjun leikhlutans og staðan í hálfleik 36-44.
Reynar og Frikki leiddu liðið af stað í seinni hálfleik og skoruðu 15 af 21 stigi liðsins og með góðri baráttu og færri töpuðum boltum tókst okkur að snúa leiknum við 57-56 eftir 3. leikhluta.
UMFÁ náði fljótt aftur forystu í 4. leikhluta og allt stefndi í ósigur hjá Brokey. Þá var komið að Óla sögu Bakarans. Eftir 2 misheppnaðar (airball) 3ja stiga tilraunir lét drengurinn það ekki á sig fá og hélt áfram að hlaupa niður í hornin og taka þessi fríu skot. Þrjú duttu í röð og allt í einu var þetta orðinn leikur. Breytti stöðunni úr 64-70 í 73-72 og örfáar mínútur til leiksloka. Þessu fylgdi 2ja stiga karfa sitthvoru-megin á vellinum og svo auka víti hjá 7unni (sem hafði verið að skjóta 3ja allan daginn yfir leikmann #11 í Brokey) og staðan því jöfn þegar 26 sek voru eftir. Hemmi coach tekur leikhlé og við klárir á því að nýta allar 24 sek sem við eigum. Boltinn fer af stað og gengur manna á milli, svo þegar um 4 sek eru eftir tekur Frikki af skarið, splundrar vörn Álftnesinga og gefur boltann á Reynar sem setur niður auðvelt sniðskot, boltinn lak reyndar ofan í, en samt, og fær villu að auki. Honum er skipað að setja vítið ofaní og gerir það, 78-75.

UMFÁ tekur leikhlé með 3 sek á klukkunni. Fær boltann á miðjum vellinum og 7an fær boltann. Þeir taka sér hinsvegar alltof langan tíma í þetta (hafa greinilega ekki verið að horfa á Jón Arnór á föstudagskvöldið) og þó svo að tíminn fari aldrei í gang þá flautar dómarinn leikinn af án þess að þeir nái af skoti og Brokey vinnur leikinn og Nína (má skipta út fyrir annað lag) hljómar í hátalarakerfinu og áhorfendur þeysast inná völlinn til að hylla hetjurnar sínar. Brokey komið í undanúrslit bestu 2. deildar í körfuknattleik á Íslandi.

Eftir leikinn okkar voru Leiknir og ÍA að eigast við og skilst okkur að við eigum sigurvegarann í þeirri viðureign næst. Leikurinn scheduleraður á næstu helgi.

- Uppfært: Það er orðið ljóst að það verða Brokey og ÍA sem leika til undanúrslita eftir að ÍA lagði Leikni örugglega.

Leider
Popparinn